Concello de Melide

Novas

Melide activa unha campaña de apoio á hostalería local

26/05/2021. Os locais de hostalería de Melide que queiran participar teñen ata o día 4 de xuño para inscribirse nesta campaña de apoio ao sector.

MELIDE 26 de maio de 2021.- O Concello de Melide, dende a súa Concellaría de Promoción Económica poñerá en marcha unha campaña para a reactivación económica da hostalería local.

Repartiranse un total de 1000 bonos, cun valor unitario de 30€, dos cales o Concello asumirá 10€, achegando os usuarios os 20€ restantes. Os bonos non serán intercambiables por cartos podendo cada persoa mercar dous bonos. Para a adquisición dos bonos terase que presentar o Dni e ser maior de idade.

O único requisito para participar é contar cun local de hostalería no noso Concello e acudir a dependencias municipais a realizar a inscrición, momento no que se lles facilitará o distintivo que deberán colocar nun lugar visible do establecemento para a súa identificación como local participante.

Para a adquisición do bono os usuarios e usuarias terán que desprazarse ao edificio multiusos a partir do día 1 de xuño, de luns a venres en horario de 11:00 a 13:00 horas e de 16:00 a 19:00 horas.

Os locais de hostalería de Melide que opten por participar no programa deberán inscribirse en dependencias municipais ata o vindeiro 4 de xuño.

Con esta iniciativa, o goberno local segue a contribuír na recuperación económica de sectores fundamentais e estratéxicos do noso Concello.