Concello de Melide

Novas

O Concello de Melide formaliza a incorporación da Policía Local ao Sistema Vioxén de protección á vítimas de violencia machista

19/05/2021. A Policía Local traballará en consonancia coa Garda Civil para realizar un seguimento máis efectivo e adaptado de todas as vítimas de violencia de xénero.

MELIDE 19 de maio de 2021.- Melide acolleu esta mañá a celebración dunha Xunta de Seguridade Local na que se formalizou a incorporación da Policia Local de Melide ao Sistema Vioxén de Seguimento e Protección de Vítimas de Violencia de Xénero.

A incorporación de Melide a esta ferramenta do Ministerio do Interior tivo lugar trala sinatura do protocolo entre o alcalde, José Manuel Pérez Penas e o delegado do Goberno en Galicia, José Miñones. No acto, celebrado esta maña na casa consistorial, tamén participaron a subdelegada do Goberno na Coruña, Pilar López- Rioboo, o xefe en funcións da Comandancia da Garda Civil da Coruña, Fernando Pedreira, o tenente de alcalde de Melide, José Antonio Prado e a concelleira de Servizos Sociais e Saúde, Carmen Liñeira.

Mediante a firma do protocolo a Policía Local incorporase a traballar en consonancia coa Garda Civil para realizar un seguimento máis efectivo e adaptado de todas as vítimas de violencia de xénero.

Con este paso o equipo de goberno do Concello de Melide segue a traballar para acadar unha igualdade real e efectiva da muller ademáis de avanzar na protección das vítimas de violencia de xénero