Concello de Melide

Novas

O Concello realiza traballos de adecentamento no parque Rosalía

28/02/2019. A brigada de obras do Concello de Melide realiza estes días obras de mantemento e adecentamento do parque Rosalía de Castro, un complexo de ocio e deportivo que é utilizado por numerosos veciños e veciñas día a día na localidade

MELIDE 28 de febreiro de 2019.- O Concello de Melide a través da súa Concellería de Obras e Servizos, realiza melloras de mantemento no parque Rosalía de Castro. Trátase dunha instalación moi frecuentada polos veciños e veciñas para desfrutar do seu tempo de ocio.

A brigada de obras do Concello de Melide traballa estes días neste parque realizando labores de adecentamento e mantemento da zona: pintado de bancos xa existentes e instalacións de novo mobiliario, mantemento do mobiliario do parque, entre outras.

Trátase de traballos que se realizan periódicamente dende o Concello de Melide debido a que se trata dunha instalación moi concurrida na vila, sobre todo coa chegada do bo tempo.

O parque Rosalía de Castro, situado a carón do edificio Multiusos da vila, dispón dunha infraestrutura para nenos e nenas así como tamén dunha pista multideportiva. Tamén é utilizado polos usuarios e usuarias a zona de arboleda con grandes zonas de sombra e unha parte dotada dun circuito biosaudable para os máis maiores da vila.