Concello de Melide

Novas

O Concello de Melide participa na campaña de esquí organizada pola Deputación da Coruña

08/01/2018. O Concello de Melide participa un ano máis na campaña de esquí na que cinco nenos da vila poderán gozar dunha estancia en Manzaneda

MELIDE 8 de xaneiro de 2018.- O Concello de Melide colabora un ano máis coa Deputación da Coruña na súa campaña de esquí. Este ano terá lugar na Estación Invernal de Manzaneda.

Os nenos e nenas de Melide deberán facer a súa inscrición no departamento de Cultura do Concello de Melide e terán de prazo ata o 16 de xaneiro para facelo.

Son 5 as prazas que a Deputación lle adxudicou a Melide. Unha vez rematado o prazo de preinscrición, no suposto de ter máis solicitudes que número de prazas concedidas, o Concello de Melide fará un sorteo público ante a secretaria do concello para adxudicalas.

Os participantes desfrutarán dunha fin de semana con aloxamento e manutención, ademais dos cursos de esquí e outras actividades que se levarán a cabo durante a fin de semana.

A quenda que lle corresponde aos participantes de Melide é a terceira que terá lugar do 23 ao 26 de febreiro de 2018.

Todos aqueles rapaces e rapazas da provincia nados nos anos 2003, 2004, 2005, 2006 e 2007 residentes en calquera municipio da provincia e que queiran desfrutar dunha fin de semana de estadía na neve, deberán realizar a preinscrición no seu concello.