Benestar
Como na maior parte dos concellos galegos, a poboación de Melide vén experimentando nos últimos anos unha tendencia ao avellentamento.O equipo de goberno municipal ten entre as súas prioridades ofrecer unha atención prioritaria nos servizos sociais, cubrindo as demandas máis urxentes e avanzando en proxectos do eido social que se atopaban paralizados.
É o caso da residencia de maiores e do centro de día, un edificio que o actual goberno herdou xa rematado mais carente de equipamento interior. Por iso, é tarefa urxente para o equipo de goberno dinamizar este servizo, adheríndose en primeiro lugar ao Consorcio Galego de Servizos Sociais, entidade desde a cal se garante unha xestión áxil e útil dos servizos sociais de Melide.
A poboación de máis idade de Melide ben merece ver rematada unha obra que será a infraestrutura de referencia da atención á terceira idade no Concello.
Por outra banda, no eido dos servizos sociais, o goberno municipal traballará na eliminación de barreiras arquitectónicas e prexuízos culturais, que dificulten a integración de persoas con problemas físicos ou de integración entre os veciños e veciñas da nosa vila, desde o convencemento de que unha sociedade plural é sempre unha sociedade máis rica. Desde o Centro Social, a concellaría de Benestar Social proxecta un programa de actividades e opcións de lecer especialmente pensadas para os nosos maiores, que van máis aló dunha acción puntual, ao desenvolveranse ao longo de todo o ano a través de actividades diversas e continuadas.
SERVIZOS
EVENTOS
Atención aos maiores
