Entroido 2012
O Concello de Melide dende o departamento de Cultura, deportes e normalización lingüística que dirixe Dolores Gómez, presenta a programación do Entroido 2012.
O Martes de Entroido, día 21 de febreiro, terá lugar a festa grande do Entroido que como ven sendo habitual organiza o Concello de Melide. A cita dará comezo ás 17.45 h no Cantón de San Roque, para proseguir ás 18.30 h co desfile de todos os participantes en pasarrúas ata o Pazo de Congresos da vila. Unha vez alí está previsto que comece o concurso de disfraces que estará acompañado por música.Os premios serán os seguintes:
Na categoría individual:
Primeiro premio: 150 €
Segundo premio: 100 €.
Na categoría de grupos (comparsas formadas de entre 2 a 8 persoas):
Primeiro premio: 300 €
Segundo premio: 200 €
Na categoría de Comparsas formadas por máis de 8 persoas:
Primeiro premio: 700 €
Segundo premio: 550 €.
As persoas interesadas en participar no Concurso de Disfraces en Melide, deben de inscribirse no departamento de Cultura do Concello en horario de mañá e os mércores en horario de mañá e tarde. O prazo límite para anotarse será o propio martes de entroido ás 17 da tarde. As bases do concurso poden descargarse na marxe dereita da web.
O domingo de entroido haberá unha festa infantil da discoteca Palladium da vila e como ven sendo habitual o martes de entroido procederase á queima do boneco e a lectura das coplasr na Praza das Coles de Melide.
Entroido 2012
Documentación
- Solicitude de inscrición no concurso de disfraces (pdf, 21,58 kb)
- Bases do concurso de disfraces 2012 (pdf, 26,31 kb)
