Ayuntamiento de Melide


Hoxe dan comezo as obras para a primeira fase da restauración da Praza das Coles de Melide

07/05/2012

As emblemáticas casas da  Praza das Coles do Concello de Melide serán restauradas pola empresa concesionaria Tragsa. Prevese unha restauración da fachada frontal mailo acondicionamento do tellado. Posteriormente acordarase o seu uso polo Concello de Melide.

Hoxe deron comezo as obras de restauración das casas da Praza das Coles de Melide. As obras corren a cargo da empresa concesionaria Tragsa e constarán da reconstrucción da fachada e mais do baleirado integral do interior e arranxo da cuberta. Trátase dunha demanda do goberno local para eliminar un punto do feísmo nunha praza de grande tradición no casco histórico da vila de Melide como o é a Praza das coles ademáis de contribuír a unha mellora integral das construccións antigas da vila. O arranxo da fachada finalizará coa colocación dun vinilo temporal até que se determine o uso que se lle vai dar á construcción por parte do goberno local e a Xunta de Galicia. A alcaldesa de Melide, Ánxeles Vázquez destaca a importancia da restauración dun punto de feísmo concentrado no casco histórico da vila que posteriormente será unha instalación máis do Concello de Melide, quen será quen determinará o uso máis axeitado para as mesmas.
xunta de galicia
ministerio de industria, turismo y comercio
feder
deputacion